(Bulgar newspaper,  january 09 issue)

PIYESTA ng Poong Nazareno ng Quiapo ngayon.

Isa sa deboto dito ay si Vice Noli De Castro.

Natupad kasi ang kanyang UNANG HILING.

-----$$$--

HULAAN ninyo kung ano ang IKALAWANG HILING ni Kabayan sa Black Nazanere?

Huwag ninyong ilakas—BAKA MARINIG ni Ate Glo.

----$$$--

INAMIN ng US at Britain ang “sistema” ng pagbitay kay Saddam Hussein.

Kunwari.

-----$$$---

HINDI pinalapag sa NAIA ang isang eroplano na KINAPOS NG FUEL SA ERE—kahit may mahigit 200 pasahero ito.

Kasi'y nakareserba ang “espasyo” sa Lear jet ni Ate Glo na sasakyan para MAG-NINANG sa kasal sa Mindanao.

Kung bumagsak ang naturang eroplano, walang DUDA-- BABAGSAK din si Ate Glo.

-----$$$--

NAG-RESIGN ang hepe ng Visiting Forces Agreement (VFA) Commission.

Hindi niya MASIKMURA ang “kusang pagpapagahasa” ng Pilipinas sa Kano—with open legs!

-----$$$---

NAKATUKLAS ng MIKROBYO sa planetang Mars.

Pero, agad itong TINEPOK—bago tepokin nito ang mga SCIENTIST.

Babalik ang mga astranaut sa Mars—para manghuli uli ng MIKROBYO.

O, sino ang gustong sumama?

-----$$$---

GAGAWA daw ng pelikula sina Tito Dolphy at Vic Sotto kasama ang mga LIVEIN PARTNERS.

Puwede bang mag-SUGGEST NG TITLE?

TEXT ORGIES o kaya ay SEX OLDGIES!

Bigyan ninyo ako ng “credit” dyan hahh?

----$$$--

NASA bansa na si Erik Morales ng Mexico.

Para uminom lang ng BEER.

-----$$$---

AAMININ na raw nina Ogie Alcasid at Regine Velasquez ang kanilang relasyon.

Baket, kakandidato rin ba sila?

----$$--

NAPATAY daw ang isa sa mga Indonesian terrorist sa Mindanao.

I-tsek ninyo, baka si Khadaffy Janjalani na naman ang natepok ninyo.

-----$$$---

IBABAWAL daw ng AFP sa mga politiko ang pagkaloob ng REVOLUTIONARY TAX sa CPP-NPA.

Opps, kailan ba hindi naging bawal yan?

-----30---

(Bulgar newspaper, january 09 issue)

PANIBAGONG kahihiyan sa bansa ang inihatid ng mga sepsep kay Ate Glo.

Isipin ninyong hindi pinayagan sa Ninoy Aquino International Airport (NAIA) na makalapag ang isang passenger Air Bus 340 ng Gulf Air mula Bahrain na nag-distress call dahil sa kakapusang ng “fuel” sa simpleng katwiran na may VIP preparation na ginagawa sa paliparan kaugnay ng pagdalo ni Ate Glo sa isang kasal sa Mindanao sakay ng LEAR JET.

Napuwersa ang naturang eroplano mag- EMERGENCY LANDING sa Clark Air Field upang mag-refuel.

Ang masakit dito, nagmistulang “missing” ang naturang eroplano ng ilang minuto kasi'y hindi naabisuhan ang mga kinauukulan na lumihis ito sa direksiyon.

Hindi simpleng bagay ang naganap na ito kasi'y may mahigit 200 pasahero ang nanganib ang buhay sa simpleng pagbibigay ng VIP treatment kay Ate Glo.

Sa totoo lang, napakadelikadong problema ang “kakapusan ng fuel” habang nasa ere at maging ang “pag-iba ng ruta” ng eroplano kasi'y maaaring hindi makabisado ng piloto ang diskarte.

Kung pinagbigyan nang ilang sandali ang “distress call”, wala sanang aberya ang magaganap at hindi sana madadamay sa kontrobersiya si Ate Glo.

Pinakamabigat na mangyari ay kung sakaling bumagsak ang naturang eroplano at namatay ang lahat ng pasahero.

Sino ang sisihin?

Huli na ang pagsisi at magiging popular na naman ang Maynila dahil sa pagbagsak ng eroplano—sanhi ng VIP treatment kay Ate Glo.

Pero, matutuwa ang kanyang ang mga kalaban—kasi walang duda na magiging sanhi din ito ng PAGBAGSAK niya mula sa poder.

-----30--

 (Bulgar, jan 08 issue)

SA dinami-dami ng mga aspiranteng senador sa May 2007 election mula sa administrasyon at oposisyon—walang sinumang naglalatag dito ng malilinaw na plataporma-de-gobyerno na maaaring pagbatayan ng teknikal na pagpili ng mga botante.

Maging ang aktor na si Richard Gomez na nakikiusap na masama sa tiket ay mula sa simpleng katwiran na mayroon daw siyang “name recall” kaya't dapat bigyan ng prayoridad.

Nakapagtataka namang hindi gaanong pinapansin ng media ang kandidatura ni Ltsg. Antonio Trillanes na binuksan pa ang kanyang www.friendoftrillanes.blogspot.com at www.friendster.com/trillanes upang ilatag ang kanyang agenda.

Nakakatulig ang pahayag dito ni Trillanes na aabot lamang sa P6,000 ang basepay ng mga sundalo at nais niyang madagdagan ito upang mapagbuti ng military ang serbisyo sa taumbayan.

Ito rin mismo ang sanhi ng serye ng mga kudeta na patuloy na itinitsismsis tuwing may kaguluhan.

Kabilang kasi sa agenda ni Trillanes ay ang pagpapalaki ng subsistence allowance tungo sa P150 kada araw imbes na P60 lamang; at mataas na basic pay.

Pero ang nakaagaw dito ng atensiyon ay ang panukala niyang bawasan ang bilang ng mga heneral na lumalamon ng malaking bahagi ng budget.

Nais ng detenidong sundalo na rebisahin palagi ang batas kaugnay ng mga pasuweldo sa obrero tuwing ikatlong taon upang makasabay sa pagtaas ng mga bilihin.

Isang epektibo ring panukala ang pag-aayos ng sistema ng Commission on Audit sa pagsusuri sa mga transaksiyon sa pinakasimpleng paraan upang madaling matukoy ang mga magnanakaw sa pamahalaan.

Inaayudahan din ni Trillanes ang pagbuo ng Anti-Poverty Commission at pagtatayo ng State colleges sa bawat rehiyon upang matulungan ang mga nagdarahop na mamamayan.

Isang ideyal na kandidato si Trillanes, pero makaabot kaya ito sa ordinaryong botante o matabunan din ito ng mga “pangalan” ng celebrities na sasapaw sa mga agenda ng pagbabago sa lipunan?

----30--

 

(Bulgar, for: january 08 issue)

 

ANIM na Abu Sayyaf ang napatay sa Tawi-Tawi.

Ayon sa press release ng AFP.

----$$$---

HINAHANAP ng media kung sino raw ang dahilan ng BREAK-UP nina Oyo Boy Sotto at Angel Locsin.

Inuulit ko, hindi po AKO.

Wala po kaming relasyon ni Oyo.

Ek, ekkk, errkkk!

----$$$---

SINIBAK ng Comelec ang regional director sa NCR.

Kontra kasi siya sa 2^nd People's Initiative.

-----$$$---

DALAWANG bagong bishops ang itinalaga ni Pope Benedict XVI upang pamunuan ang Diocose ng Calbayog, Samar at Abra.

Huwag sana kayong ma-SALVAGED.

-----$$---

UMAASA si Lance Corporal Daniel Smith ng US marines na maaabsuwelto siya sa kasong rape kay Nicole.

Iyan ay batay sa "HATOL" ng Malacanang.

----$$$---

HINDI pa rin nakikita ang nawawalang passenger airplane sa Indonesia.

Baka dumiretso na sila sa LANGIT.

----$$$---

MAGSASAGAWA daw uli ng nuclear test ang North Korea.

Namutla na naman si US prez George Bush.

-----$$$---

TINIYAK ni Freddie Roach na hindi niya IIWANAN si Manny Pacquiao kahit pa sino ang kunin nitong promoters.

Kapag kasi iniwan ni Roach si Pacquiao—parang NAGTAMPO sila sa milyon-milyong DOLYAR.

-----$$---

SA ngayon, isa na si Pacquiao sa PINAKAMAKAPANGYARIHANG TAO sa buong mundo.

Isipin mong ayaw din siyang idemanda ni Oscar dela Hoya kahit hindi sinunod ang KONTRATA?

------$$$--

TANGING ang Santo Papa sa Vatican lamang ang itinuturing na IMPALLIABLE—hindi "nagkakamali" sa batas ng tao.

Hindi rin nasasampahan ng kaso sa alinmang korte!

Isang SANTO ba si Pacman?

-----$$$---

NANINIWALA pa rin si Bob Arum na matutuloy ang Pacquiao-Barrera rematch.

Pera-pera lang kasi yan eh.

-----$$$--

IMINUMUNGKAHI ni Ltsg Antonio Trillanes na bawasan ang bilang ng mga HENERAL.

Mas marami pa kasi ang heneral kaysa sa bilang ng mga PRIVATE?

(Bulgar newspaper, 07 january issue)

 

UMATRAS na rin si Manila Mayor Lito Atienza sa pagka-senador.

Ayaw niyang MADAMAY sa “paglubog” ng barko.

-------$$$---

UMIINIT na ang girian nina Lubao Mayor Lilia Pineda at Pampanga Gov. Mark Lapid.

Huwag sanang DUMANAK ang dugo.

----$$$---

KAKANDIDATO raw senador si Health Secretary Francisco Duque.

Walang duda , hindi siya maiboboto ng mga NAPUTULAN ng kamay sa nagdaang New Year celebration.

----$$$---

ARAW-ARAW ay nasa radio, tv , diyaryo at internet si Sec. Mike Defensor.

Ingat, baka ka ma-OVEREXPOSED!

Masunog ka!

----$$$--

BIBIGYAN na rin ng DISCOUNT sa pagbili ng pagkain ang mga SINGLE PARENT.

Kasama dito ang mga KELOT na tinorotot ng mga waswit?

----$$$---

BUHAY na naman ang People's Initiative (PI).

Ayaw talaga nilang lumubay sa “PAGNENEGOSYO” gamit ang signatures.

-----$$$---

HUWAG sanang MAGKAMALI ang SIGAW at ULAP na PAMIRMAHIN sa PI petition si Manny Pacquiao.

Kasi'y delikadong BAWIIN din niya yan.

-----$$$---

PROXY fight lang daw nina Ate Glo at Pareng Erap ang senatorial election sa Mayo.

May partida pa si Asyong Salonga—kasi'y susuntok siya habang NAKAKULONG SA HAWLA.

----$$$---

MARAMI raw magsasaradong DIYARYO dahil sa internet.

Libre kasi ang balita sa internet—at may VIDEO pa.

At hindi rin ito TINATANGAY ng hangin—habang binabasa.

-----$$$---

MARAMI nang lalawigan sa Luzon, Visayas at Mindanao ang narating ni ex-Manila Rep. Mark Jimenez para bigyan ng pagkain at datung ang mga nagdarahop.

Pero, nagtataka ang marami kung anong puwesto ang kanyang lalabanan.

Hindi kaya sagupain niya sina Ate Glo at Pareng Erap sa 2010?

Diyusnamabaginglangitttttt!

-----$$---

NAGTALUMPATI pala si MJ sa loob ng bilangguan sa Cebu City.

Nakakatulig ang sigawan sa City Jail

Ex-convict!! ex-convict! Ex-convict!!

Sumigaw siyang bigla: Puwede rin kayong YUMAMAN tulad ko!

Natahimik ang lahat!

-----$$$---

NANALONG Best picture sa MMFF ang “Enteng Kabisote 3” ni Vic Sotto.

Baka MINADYIK niya ang mga hurado na pawang KABISOTE.

-----30--

(Bulgar newspaper, jan. 07 issue)

NAGBABALA ang apat na bansa—New Zealand, Australia, Canada at Britain sa kanilang mga mamamayan na huwag magpunta sa Cebu kung saan ginaganap ang ASEAN Summit dahil maaaring atakehin daw ng mga terorista.

Masamang advisory ito ng mga kaibigang bansa ng Pilipinas.

Sinasabotahe nila ang isang kumperensiya na maaaring magbuklod-buklod ang mga bansa sa East Asia upang proteksiyunan hindi lang ang ekonomiya ng rehiyon kundi magkaroon ng masiglang ugnayan ang mga kalapit-bansa.

Isang klase rin ito sa pambabastos sa Republika ng Pilipinas dahil nagpapahiwatig din ito na hindi kayang proteksiyon ng AFP at PNP ang kaligtasan ng mga dayuhan.

Sa bagay, indikasyon dito ito na naiirita at naiinggit ang mga bansa sa ibang rehiyon sa pagkakaisa ng ASEAN at EAST ASIA na maaaring makumpitensiya ang European Union; at iba pang economic blocks sa daigdig.

Sana'y maging seryoso ang mga kalapit nating bansa na magtulungan at lumayo na sa pag-impluwensiya ng America at Europe.

Kumbaga, hindi tayo matutulungang gaano ng mga dayuhan—bagkus dapat na magyakap-yakap ang mga magkakalapit na bansa tungo sa sabay-sabay at sama-samang pag-unlad sa hinaharap.

Anu't anuman, ang Asean at East Asia Summit ay isang positibong hakbang tungo sa isang malinaw na direksiyon ng pag-unlad ng Pilipinas at mismo ng rehiyon.

Sa mga nakikibahagi sa naturang kumperensiya, MABUHAY PO KAYO!

----30--

 

MEGA-ENGRANDE ang pabinyag ni Manny Pacquiao sa kanyang “prinsesa”.

Ingat kayo, baka MAKIDNAP yan.

----$$$--

NIREGALUHAN ni Pacman ang kanyang NANAY ng isang KOTSE.

Kotse na binawi sa kanyang misis.

-------$$$---

BUMALIKTAD na naman si Ate Glo.

Taliwas sa kanyang PANGAKO, tuloy na naman ang ChaCha.

-----$$$--

BUBUKSAN daw ang Malacanang sa publiko.

Para daw makapanood NANG LIBRE ang mga tao sa “CIRCUS” sa Maharlika Hall.

Mapapanood dito kung paano “MAGBALI-BALIKTAD” si Ate Glo.

-----$$$---

BALIK-SA-OSPITAL si Gaudencio Cardinal Rosales matapos ang SERMON sa Prayer Rally sa Luneta.

Hindi niya AKALAIN nagoyo rin siya.

Kakaunti lang pala ang mga SUPPORTERS ng kanyang mga politikong bishops.

----$$$--

BUBUHAYIN ang People's Initiative sa Enero.

Maglalagay ng BOOTHS ang Comelec sa bawat barangay para sa pagkuha ng milyon-milyong SIGNATURES.

At pamimigay ng BIGAS?

----$$$---

KUMUNSULTA sa “PHYCHICS” na ang Philippine National Police (PNP) upang matukoy kung sino ang bumaril at pumatay sa mag-amang GOVERNMENT PROSECUTORS sa Paranaque City.

May bagong “raket” ang mga MANGHUHULA.

-----$$---

HOPELESSNESS ang ipinahihiwatig ng pagkuha ng PNP sa mga psychics.

Hindi sila nalalayo sa na-DISBAR na Judge na kumukonsulta naman sa mga DUWENDE.

-----$$$---

SA totoo lang, umaapela ang “naturang judge” dahil hindi naman daw masama ang kumunsulta sa mga DUWENDE.

Kasi'y daw ay aktuwal taong nasa ilalim ng kontrol ng ISANG DUWENDE.

-----$$--

NAGALIT ang Korte Suprema sa naturang judge kaya't pinatalsik daw ito kasi'y masamang impluwensiya daw ang “paniniwala sa mga duwende”.

Hindi kaya ibinatay nila ang desisyon batay sa payo ng mga “TIKBALANG”?

-----$$$---

IMBES na bawasan, dodoblehin pa ang DAMI ng US troops sa Iraq.

Nakupp, darami pa ang TATARGETIN ng mga Iraqi insurgents.

----30---

editorial

head:

MALOLOKA si Lola Madyenta!

Isipin mong nagsirko-sirko na naman si Ate Glo.

Taliwas na taliwas bago mag-Prayer Rally ang mga Catholic bishops sa Luneta, binigyan-diin naman ngayon ni Ate Glo tuloy na tuloy na tuloy ang Charter Change.

May ulat na nakikipagkutsaba pa ngayon ang Comelec para makapagtayo ng “signatures booth” ang SIGAW at ULAP para sa pagbuhay ng ikalawang People's Initiative.

Nabunyag din na awtomatikong kukunin sa archieves ang Con-Ass resolution kasi'y itinuturing itong “incomplete” at hindi kasama sa sinasabing nakalibing nang panukalang batas.

Napakalinaw na garapalang panloloko ito.

Anong klase ng agimat, bertud o “powers” mayroon si Ate Glo --“walang kahiya-hiya” siya nagsisirko-sirko sa gitna ng Kapaskuhan?

Ito kaya ay dahil natitiyak niyang nasa likod niya ang buong puwersa ng Armed Forces of the Philippines (AFP).

Dedma lang siya sa resulta ng mga survey na 20 porsiyento na lamang ng populasyon ang may “tiwala” sa kanya.

Scientifically, mathematically o geometrically speaking, siyempre 80 PORSIYENTO rin ng opisyal at enlisted personnel sa AFP—ay wala na ring tiwala sa kanya.

Sintido-kumon yan-- na ayaw niyang paniwalaan.

Ayaw niyang paniwalaan na nag-aantay lang ng tayming ang mga nag-aalbururong damdamin ng mga “maka-Konstitusyon” na sundalo!

Sa totoo lang, ang sobrang tiwala ni Pareng Erap at dating Pangulong Marcos na “loyal” sa kanila ang AFP—ang siyang NAGPABAGSAK sa kanila sa poder.

Huwag nang pag-usapan yan o huwag nang pagdebatehan ang loyalty ng mga sundalo kay Ate Glo—dahil masalimuot yan.

Eto ang napakahalagang tanong: Siyento-porsiyento ba na ang mga sundalo ay LOYAL kay AFP Chief Hermogenes Esperon na isang “Hello Garci general”?

Kailangang masagot yan, bago gunawin ng puwersa ni Amaya ang Antartika!

------30----

(Bulgar newspaper, 21dec06)

KINANSELA ang unang araw ng deliberasyon ng Constitutional Convention sa House of Representatives.

Hindi po dahil sa utos ni Ate Glo.

Kundi dahil po sa NECROLOGICAL SERVICE ng isa nilang KASAMAHAN.

Malagim ang CHACHA!

----$$$---

MAGTATAAS ng singil ang MANILA WATERS simula sa Enero 1.

Hindi masaya ang BAGONG TAON.

----$$$--

TUMOTODO ang lakas ng PISO kontra dolyar.

Halos nakadikit na ang palitan sa P48 kada dolyar.

Nakikiramay po tayo sa mga EXPORTERS.

-----$$---

UMIWAS ang bagyong si TOMAS mula sa bisinidad ng Pilipinas.

Baka NATAKOT na ma-ASSASSINATE siya.

----$$$---

LIHIM na ikinatuwa ni Vice President Noli de Castro ang pagkakabasura ng CON-ASS at PEOPLE'S INITIATIVE.

Simpleng biktima siya ng mga TRAYDOR niyang kasamahan sa administrasyon.

-----$$$---

ISIPIN mong SINISIBAK si Kabayan bilang BISE PRESIDENTE—pero NAKATUNGANGA lang siya.

Sobrang bait ba siya o simpleng “MAHINA ANG KUKOTE”?

-----$$$---

NAGSIMULA nang dumampot ng mga suspect ang PNP kaugnay ng pagpatay kay Rep. Luis Berasmin ng Abra.

Pero pinakawawalan din kapag hindi “naituro” ng mga testigo.

Ngekk, paano kong “nakamukha” lang?

Kaawa-awa naman.

----$$$---

MALAPIT na rin magkaroon ng civil war sa Lebanon, Palestine at Sri Lanka.

Hindi kaya sumunod dito ang Pilipinas?

-----$$$---

BABAHA na naman ang kuwarta sa Pilipinas dahil sa eleksiyon.

Campaign funds na mula sa mga smugglers, drug lord at gambling lord.

-----$$$---

MALAYANG MALAYA ang operasyon ng jueteng.

Siyempre, may eleksiyon yata!

----$$$---

PINAYAGAN na rin ng Korte Suprema na magtaas ng singil ang Meralco.

Pukawnamoooo!

-----30--

 

Merry Christmas po!